لیژنەی پەیوەندییەکانی دەرەوە لەگەڵ وەزیری ئابووری و کارگێڕی و گەشتوگوزاری ڕۆمانیا لە شاری بوخارێست کۆدەبێتەوە
لیژنەی پەیوەندییەکانی دەرەوە بە سەرۆکایەتی نوێنەر دیلان غەفور ساڵح سەرۆکی لیژنەکەو بە ئامادەبوونی په‌رله‌مانتاران حەیدەر سەلامی و محمد صدیق و ئاریان عەزیز، ڕۆژی سێشەممە ١٩ی ئازار لەگەڵ وەزیری ئابووری و کارگێڕی و گەشتوگوزاری ڕۆمانیا کۆبووەوە، لە چوارچێوەی سەردانەکەی شاندی پەرلەمان بۆ بوخارێست.
لەمیانی دیدارەکەدا سەرۆکی لیژنەکە جەختی لە گرنگی هاریکاری لەبوارەکانی ئابوری و بازرگانی کردەوە، بەتایبەتی کە لەئێستادا دۆخی ئاسایشی عێراق سەقامگیرە و حکومەتیش لەنێو ئەولەویەتەکانی خۆیدا کار لەسەر گەڕاندنەوەی عێراق بۆ پێگەی خۆی لە کۆمەڵگەی نێودەوڵەتی دادەنێت، بە ئاماژەدان بە پێویستی واژۆکردنی ڕێککەوتنی هاوکاری ئابووری لە نێوان هەردوو وڵاتدا.
له‌لای خۆیەوە وەزیری ڕۆمانیا ئاماژەی بە خواستی بازرگانانی ڕۆمانیا کرد بۆ کارکردنی جدی لە عێراق، بەتایبەتی کە سەردانێکی داهاتووی وەزیر لەگەڵ بازرگانان بۆ عێراق هەیە، هیوای خۆی دەربڕی کە ببێتە خاڵی وەرچەرخان لە پەرەپێدانی ئابووری و پەیوەندی بازرگانی نێوان عێراق و ڕۆمانیا.
سەرۆکی لیژنەی پەیوەندییەکانی دەرەوە بەخێرهاتنی سەردانەکەی وەزیرەکەی بۆ عێراق کرد و تیشکی خستەسەر گرنگی کارکردن و هەماهەنگی لەگەڵ ژووری بازرگانی عێراق.
هەر لەو پێوەندییەدا ئەندامانی لیژنەی پەیوەندییەکانی دەرەوە سەرنجیان بۆ پرسی هاندانی گەشتیاری بۆ عێراق ڕاکێشا بەهۆی پێگەی ڕۆشنبیرییەکەی و ئامێزگرتنی زۆرێک لە شوێنەوار و شوێنەوارە مێژووییەکان کە دەیکاتە شوێنێکی گرنگی گەشتیاری.
فه‌رمانگه‌ی ڕاگەیاندن
ئه‌نجومه‌نی نوێنه‌ران
٢١ی ئازاری ٢٠٢٤
