لیژنەی دارایی پێشوازی لە سەرۆکی دەستەی پیشەسازی سەربازی دهكات
سەرۆکی لیژنەی دارایی ئەندازیار عەتوان عەتوانی و بە ئامادەبوونی ژمارەیەک لە ئەندامانی لیژنە، ڕۆژی سێشەممە 19/3/2024 پێشوازی لە سەرۆکی دەستەی پیشەسازی سەربازی بەڕێز مستەفا عاتی حەسەن و بەڕێوەبەری گشتی کۆمپانیای پیشەسازی سەربازی بەڕێز عەلی موحسین خودەیر و بەڕێوەبەری گشتی لیژنەی یاسایی بەڕێز ئەیاد جابر کازمی کرد، بۆ گفتوگۆکردن لەسەر پشتیوانی دەستەكەو میکانیزمی گرێبەستکردن لەگەڵ دامەزراوەکان بۆ دابینکردنی بەرهەمەکانی دەستەكە.
لە سەرەتای کۆبوونەوەکەدا سەرۆکی لیژنە جەختیکردەوە لەسەر پێویستی پشتگیریکردنی بەرهەمی نیشتمانی و هاندانی تەواوکردنی ئەم پڕۆژانە بۆ گەیشتن بە سەربەخۆیی.
هەروەها لیژنەی دارایی گفتوگۆی لەسەر داهاتەکانی دەستەكە و تەواوکردنی بودجەی گشتی فیدراڵی و گەیشتن بە سەربەخۆیی لە بەرهەمهێنان و دابینکردنی هەموو پێداویستییەکانی بەرهەمەکانیان کرد.
لە لایەکی دیکەوە، سەرۆکی دەستەی پیشەسازی سەربازی پێداچوونەوەی بە ئاستەنگەكانی بەردەم دەستەكە و چۆنیەتی گەیشتن بە چارەسەری گونجاو کرد، لە هەمان کاتدا داوای لە لیژنەی دارایی کرد کە سەردانێک ئەنجام بدات و کارەکانیان لە نزیكەوە ببینێت.
ئەنجومەنی نوێنەران
فەرمانگەی راگەیاندن
٢٠٢٤/٣/١٩