لیژنەی دارایی لەگەڵ وەزارەتی دارایی گفتوگۆ لەسەر تەرخانی دارایی بۆ پڕۆژەكان دەكات
لیژنەی دارایی بە سەرۆکایەتی ئەندازیار عەتوان ئەلعەتوانی و بە ئامادەبوونی ئەندامانی لیژنە، لەگەڵ بەڕێوەبەری گشتی ژمێریاری لە وەزارەتی دارایی بەڕێز جەمیل پاجب و بەڕێوەبەری گشتی بودجە خاتوو وەسه‌ن سەعد لە بارەگای لیژنەی دارایی لە بینای ئەنجومەنی نوێنەران كۆبوونەوەو تاوتوێی میکانیزمەکانی دارایی پڕۆژەکان لە بودجەی کارپێکردن و وەبەرهێنان بۆ ساڵی 2024 كرا.
سەرۆکی لیژنەکە لە سەرەتای میوانداریکردنەکەدا کۆمەڵێک بابەت باس کرد لەسەر کارەکانی وەزارەت و گوێگرتن لە تێبینیەکان لەسەر میکانیزمی دابینکردنی دارایی پڕۆژەکان لە بودجەی کارپێکردن و وەبەرهێنان و هۆشداریدا لە پێویستی دڵنیابوون لە دادپەروەری لە دابینکردنی دارایی پڕۆژەکان بۆ هەموو پارێزگاکان.
لیژنەی دارایی ئاماژەی بەوەشکرد كه چاوەڕێی گەیشتنی خشتەی یاسای بودجەی فیدراڵی بۆ ساڵی 2024 دەکەن بۆ پێداچوونەوەو گفتوگۆکردن له‌سه‌ری پێش ئەوەی دەنگدانی له‌سه‌ر بكرێت.
لیژنەکە گوێی لە ڕوونکردنەوەیەکی ورد گرت كه لەلایەن بەڕێوەبەری بەشەکانی ژمێریاری و بودجەوە سەبارەت بە میکانیزمی جێبەجێکردنی بودجەی ساڵی 2023 پێشكه‌شكرا، لەوانە بڕی پارەی تەرخانکراو بۆ پرۆژەکان و بەدواداچوونی خەرجکردنی بڕی یاسای ئاسایشی خۆراک، جگە لە میکانیزمی دابینکردنی دارایی یەکەکانی خەرجکردن لەگەڵ ئەو بڕە پارەیەی بۆ هەر پارێزگایەک تەرخانکراوە، بە جەختکردنەوە لەسەر پرۆژە بەردەوامەکان.
لیژنەکە جەختی کردەوە لەسەر پێویستی بەدیهێنانی دادپەروەری لە دابەشکردنی سەرچاوە داراییەکان و دڵنیابوون لەوەی هەموولایه‌ك دادپەروەرانەی به‌شی خۆیان لە پڕۆژەکانی پەرەپێدان و شەفافیەت وەردەگرن لە هەموو قۆناغەکانی خەرجکردندا، لەوانە میکانیزمەکانی تەرخانکردنی پارە بۆ پڕۆژەکان و بەدواداچوون بۆ جێبەجێکردنیان.
ئەنجومەنی نوێنەران
فەرمانگەی راگەیاندن
٢٠٢٤/٤/١٦