لیژنه‌ی کاری پەرلەمان میوانداری ئەندامانی هەماهەنگی سەندیکای تاقیگەکان دەکات
لیژنەی کار و دامەزراوەکانی کۆمەڵگەی مەدەنی پەرلەمانی بە سەرۆکایەتی پەرلەمانتار ناهیدە داینی سەرۆکی لیژنەکەو بە ئامادەبوونی ژمارەیەک لە ئەندامانی لیژنه، ڕۆژی چوارشەممە 17/4/2024، میوانداری ئەندامانی هەماهەنگی سەندیکای تاقیگەیان کرد، کە نوێنەرایەتی کۆمەڵێک تاقیکار و کارمەندانی تاقیگە دەکەن، بە مەبەستی ڕێکخستنی کارەکانیان لە چوارچێوەیەکی یاسایی سەندیکا بۆ بەرگریکردن لە ماف و بەرژەوەندییە پیشەییەکانیان .
لە میواندارییەکەدا تاوتوێی بابه‌تی باشترکردنی ستانداردە پیشەییەکان و ڕاهێنانی پێویست کرد، بۆ کارکردن لە بواری تاقیگەکاندا، هەروەها داوایان لە ئەندامانی هەماهەنگی کرد کە سەندیکایەکیان بۆ دامەزرێنن بەمەبەستی داواکردنی مافی کرێکاران لە بواری تاقیگەکاندا لەبەردەم دەسەڵاتی جێبەجێکار و کارکردن بۆ باشترکردنی کارو سوودەکانی تاقیگەکان و دڵنیابوون لە سەلامەتی ژینگە لە شوێنی کاردا، بۆ بەرگریکردن لە مافەکانیان سەبارەت بە دامەزراندن و بەرزکردنەوە و ڕاهێنان.
هەروەها گفتوگۆیان کرد لەسەر چۆنیەتی بەرزکردنەوەی هۆشیاری دەربارەی گرنگی ڕۆڵی تاقیگەکان لە کۆمەڵگاداو باشترکردنی هەماهەنگی و پەیوەندی نێوان تاقیگەکان و دەسەڵاتە پەیوەندیدارەکانی تر، بەتایبەتی لەو کاتەی كه کاری تاقیگەیی لە بوارە جیاوازەکانی وەک تاقیگەی پزیشکی و کیمیا و فیزیا و زیندەزانی و زانستە ژینگەییەکان و ئەوانی تر بووە .
پەرلەمانتار حوسێن عەرەب جەختی لەوە کردەوە کە لیژنەکە کاردەکات لەگەڵ هەموو هەماهەنگییەک کە وەسفێکی پیشەیی و کرداری هاوشێوەی هەبێت لە هەمان مەودادا، هەروەها لێکۆڵینەوەیەکی گشتگیر ئامادە دەکات لەسەر چۆنیەتی ڕێکخستنی ئەم هەماهەنگییانە بەپێی یاسایەکی گشتگیر بۆ هەموو ئەو بەشانەی تەندروستی و پزیشکی کە لە تاقیگەکاندا کار دەکەن و پێگەی یاساییان پێ دەبەخشێت، بۆ ئەوەی بە ئازادی کارەکانیان ئەنجام بدەن .
وتیشی تاقیگە پزیشکیەکان سەنتەری خزمەتگوزاری گرنگن کە خزمەتگوزاری باش بۆ هاوڵاتیان دابین دەکەن و ڕۆڵێکی گرنگ دەبینن لە دەستنیشانکردنی نەخۆشییەکان و چاودێریکردنی باری تەندروستی نەخۆشەکان .
ئەنجومەنی نوێنەران
فەرمانگەی ڕاگەیاندن
١٧ / ٤ / ٢٠٢٤
