لیژنه‌ی کاری پەرلەمانی ئێوارەیەکی تایبەتی ڕەمەزان بۆ چاودێری کەمئەندامان و خاوه‌ن پێداویستیه تایبەتەکان ساز دەکات
لیژنەی کارو ڕێكخراوه‌كانی کۆمەڵگەی مەدەنی بە سەرۆکایەتی پەرلەمانتار ناهیدە ئەلداینی و بە هەماهەنگی لەگەڵ ڕێکخراوی ڕزگارکردنی منداڵانی نێودەوڵەتی و کۆمەڵەی کەمئەندامان و ئامادەبوونی بەڕێز وەزیری کارو کاروباری کۆمەڵایەتی، ئێوارەی ڕۆژی سێشەممە 26/3/2024 لە هۆتێلی بابل لە بەغدای پایتەخت ئێوارە خوانێكی ڕەمەزانی سازکرد.
سه‌ره‌تا پەرلەمانتار حوسێن عەرەب جێگری سەرۆکی لیژنەکە وته‌یه‌كی پێشكه‌شكرد، تیایدا جەختی لەوە کردەوە کە ئامانجی ئەم ئێوارەیە ڕوونکردنەوەیە لەسەر ئەزموون و بەشداریپێكردنی کەسانی خاوەن پێداویستی تایبەت لە کۆمەڵگاکەمانداو بەرزکردنەوەی هۆشیاری دەربارەی ماف و پێداویستییەکانیان، وتیشی كه ئێمە لەو بڕوایەداین کە کەمئەندامبوون بەربەست نییە لەبەردەم بەدەستهێنانی سەرکەوتن و باشیدا، بەڵکو دەرفەتێکە بۆ بەدیهێنانی هێزی ویست و داهێنان و لیژنەکە لە سەرەتای دانیشتنی ئێستای پەرلەمانەوە دەستی کردووە بە هەموارکردنی یاسای چاودێریکردنی کەمئەندامان و پێداویستییە تایبەتەکان و لەخۆگرتنی هەموو ماف و پێداویستی و پێداویستییەکانی بەشێکی گەورەی کۆمەڵگاو دابینکردنی هەموو سەرچاوەیەکی بەسوود بۆ کەسانی خاوەن پێداویستی تایبەت و خێزانەکانیان و ئاماژەی بەوەشکرد كه لیژنەکە چەندین چالاکی و کۆبوونەوەی لەگەڵ ڕێکخراوە ناوخۆییەکان و پسپۆڕان لە بواری چاودێریکردنی کەسانی خاوەن پێداویستی تایبەت ئەنجامداوەو هەوڵدەدات پەیوەندییەکان باشتر بکات و پشتیوانی بەردەوامیان بۆ دابین بکات.
هه‌روه‌ها به‌ڕێزی وتیشی ” لەم مانگە پیرۆزەدا بەهاکانی لێبوردەیی و هاوسۆزی و دادپەروەری بەبیر بهێنینەوە و با ئەم ئێوارەیە بکەین بە دەرفەتێک بۆ فێربوون و تێگەیشتنی هاوبەش و ئەو پشتیوانی و هاندانەش بدەین بە کەمئەندامان کە پێویستیان پێیەتی بۆ بەدیهێنانی ئامانجەکانیان.”
لە کۆتاییدا هیوای خۆشی و شادی بۆ هەموویانی خواست و سوپاسی ئاماده‌بووانی كرد بۆ ئامادەبوون و پشتیوانیكردن لەم ئێوارە خوانه‌ی تایبەتەی ڕەمەزان.
ئەنجومەنی نوێنەران
فەرمانگەی ڕاگەیاندن
٢٦ / ٣ / ٢٠٢٤
