لیژنەی پەروەردە میوانداری بەرێوەبەرە گشتیەكانی پەروەردەی بەغدا دەكات
لیژنەی پەروەردەی پەرلەمان بە سەرۆکایەتی پەرلەمانتار سوعاد جەبار وائیلی سەرۆکی لیژنەکەو ئامادەبوونی ئەندامانی لیژنە، ڕۆژی چوارشەممە میوانداری شاندێکی بەڕێوەبەرانی گشتی پەروەردەی پارێزگای بەغدایان کرد، بۆ تاوتوێکردنی کارەکانی بەڕێوەبەرایەتیەکان و دۆخی پەروەردە..
لە کۆبوونەوەکەدا باس لە کارو جێبەجێکردنی بەڕێوەبەرایەتیەکانی پەروەردە لە بەغدا کراو گرنگترین کێشەو بەربەستەکانی بەردەم کارەکانیان و ڕێگا کاریگەرەکان بۆ پەرەپێدانی کارەکانیان و بەرزکردنەوە و باشترکردنی ئاستی خوێندن، هەروەها گفتوگۆکردن لەسەر ئەو دەسەڵاتانەی کە بەڕێوەبەرە گشتیەکان بەخشراوە لە چوارچێوە یاساییەکاندا، جگە لە دابینکردنی پێداویستیەکانی ئەو بەڕێوەبەرایەتیانە.
لە لایەکی دیکەوە، لیژنەی پەروەردەی پەرلەمان جەختی کردەوە لەسەر گرنگی زیادکردنی پەیوەندی و هەماهەنگی لە نێوان دامەزراوەکانی یاسادانان و جێبەجێکردن و کارکردن بۆ دۆزینەوەی چارەسەری شیاو کە یارمەتیدەر بێت بۆ نەهێشتنی ئەو کێشەو بەربەستانەی کە ڕێگرن لەبه‌رده‌م کارکردنی پرۆسەی پەروەردە.
ئەنجومەنی نوێنەران
فەرمانگەی راگەیاندن
٢٠٢٣/٥/٣