لیژنەی دۆستایەتی عێراقی ئازهربهیجانی پێشوازی لە باڵیۆزی ئازهربهیجانی لە بەغدا دەکات
سەرۆکی لیژنەی عێراقی ئازهربهیجانی جێگری یەکەمی سەرۆکی لیژنەی پەیوەندییەکانی دەرەوە پەڕلەمانتار جەبار کینانی، ڕۆژی یەکشەممە، پێشوازی لە بەختەوەر باڵیۆزی ئازهربهیجانی بەڕێز نەسیر مەمدوف كرد، لە چوارچێوەی پتەوکردنی پەیوەندییە دوولاییەکان لە نێوان عێراق و ئازهربهیجاندا.
له دیدارهكهدا ستایشی پەیوەندییەکان و بەیەکەوەبەستنە مێژوویی و ڕۆشنبیری و دیپلۆماسییەکان کرا، کە هەردوو وڵاتەكه بەیەکەوە دەبەستێتەوەو جهختیشكرایهوه لهسهر کارکردن بۆ گەشەپێدانیان لەڕێگهی کاراکردنی لیژنەی عێراقی ئازهرزبهیجانیداو کاری پەڕلەمانیی هاوبەش.
پەڕلەمانتار جەبار کینانی جەختیكردهوه لە سەر گرنگی هاریکاری هاوبهش لە هەموو بوارەکاندا، بەتایبەتی بوارەکانی ئابوری و ڕۆشنبیری و فێرکردنداو بهڕێزی داوای ئاسانکردنی ڕێکارەکانی پێدانی فیزا بە عێراقییەکان کرد، ئەوەش یارمەتی بزووتنەوەی گەشتوگوزارو بازرگانی دەدات، سەرەڕای ئەگەری کردنەوەی هێڵی گواستنەوەی ئاسمانی ڕاستەوخۆ لە نێوان عێراق وئازهربهیجانداو ئەگەری کاری حکومەتی هاوبەش بۆ هاوکاریكردن لە بواری گازی سروشتیدا.
ههر له دیدارهكهدا هەردوولا تاوتوێی ڕووداو و پێشهاتهكانی سەر شەقامی نێودەوڵەتیدا كرد، كه گرنگترینیان کەیسی فەڵەستینی ودەرئەنجامەکانی جهنگی بهرپاكراو لەسەر غەزەداو پێویستی یەکگرتنی هەوڵە نێودەوڵەتییەکان بۆ وەستانی دەستدرێژی ئیسرائیل لەسەر فەلەستین.
فەرمانگەی ڕاگەیاندن
ئەنجومەنی نوێنەران
٦/تشرینی دووەمی/٢٠٢٣