لیژنەی ئاسایش و بەرگری لەگەڵ سەرۆک وەزیران کۆدەبێتەوە بۆ گفتوگۆکردن لەسەر هەوڵەکانی حکومەت و ئامادەکارییەکان بۆ ئەنجامدانی هەڵبژاردنی ناوخۆیی
لیژنەی ئاسایش و بەرگری پەرلەمان بە سەرۆکایەتی پەرلەمانتار عەباس زامیلی سەرۆکی لیژنەکە ڕۆژی یەکشەممە بە ئامادەبوونی ئەندامانی لیژنە لەگەڵ سەرۆک وەزیران (فەرماندەی گشتی هێزە چەکدارەکان) کۆبوونەوە، بۆ تاوتوێکردنی هەوڵەکان و ئامادەکارییەکانی حکومەت بۆ ئەنجامدانی هەڵبژاردنی ناوخۆیی.
لە کۆبوونەوەکەدا کە لە نووسینگەی سەرۆک وەزیران بەڕێوەچوو، گفتوگۆیان لەسەر بەهێزکردنی پەیوەندییە تەواوکەرەکانی نێوان دەسەڵاتەکانی جێبەجێکردن و دەسەڵاتەکانی یاسادانان کرد لە بواری پشتیوانی ئەمنیدا، هەروەها باس لە هەوڵەکانی حکومەت و ئامادەکارییەکان بۆ ئەنجامدانی هەڵبژاردنی ئەنجومەنی پارێزگاکان لە مانگی داهاتوودا کرا.
جگە لە گفتوگۆکردن لەسەر داهاتووی پەیوەندییەکان لەگەڵ هێزەکانی هاوپەیمانی نێودەوڵەتی، لەگەڵ پێویستی هێزە بیانییەکان بۆ جێهێشتنی عێراق.
لە بەرامبەریشدا سەرۆک وەزیران جەختی لە پەرۆشی و هەوڵەکانی حکومەت کردەوە، بۆ بەهێزکردنی ئاسایشی وڵات، کە پێشەکییەکە بۆ هەموو پلانەکانی پەرەپێدان و کاریگەرییەکانی لەسەر سەقامگیری بارودۆخی ئابووری و کۆمەڵایەتی و سیاسی.
لە کۆبوونەوەکەدا گفتوگۆ لەسەر ژمارەیەک پێشنیار کرا بە ئامانجی بەدیهێنانی چاکسازییە پێویستەکان بۆ دامەزراوە ئەمنییەکان، بە شێوەیەک کە یارمەتیدەر بێت لە پەرەپێدانی کاری ئاسایش بەرەو پیشەیی زیاترو بەرزکردنەوەی ئاستی.
ئەنجومەنی نوێنەران
فەرمانگەی راگەیاندن
٢٠٢٣/١١/١٩