لیژنه‌ی کشتوکاڵی پەرلەمانی میوانداری بەڕێوەبەری گشتی بەشی دارستان و کۆنترۆڵکردنی بیابانبوون دەکات
ڕۆژی چوارشەممە، لیژنەی کشتوکاڵ و ئاو و زۆنگاوه‌كانی پەرلەمان بە سەرۆکایەتی پەرلەمانتار فالح حەسەن خەزعەلی سەرۆکی لیژنەکە، میوانداری دکتۆر بەسام کەنعان عەبدولجەبار بەڕێوەبەری گشتی بەشی دارستان و کۆنتڕۆڵی بیابانبوون لە وەزارەتی کشتوکاڵ کرد .
بەڕێوەبەری گشتی ڕوونکردنەوەیەکی کورتی لەبارەی بەشەکەی و سروشتی کارەکانی و ئامانج و دیدگاکانی و دیارترین پرۆژەکانی وەبەرهێنان و ئۆپەراسیۆنی و ستافەکەی و پێکهاتەی بەڕێوەبەرایەتی و لقەکانی لە پارێزگاکان و دارستانەکانی و نەمامگەکانی پێشكه‌شکرد، هەروەها به‌ڕێزی پێویستییەکانی بەڕێوەبەرایەتییەکە و دیارترین کێشە و ئاستەنگەکانی ڕوونکردەوە کە ڕووبەڕووی کارەکانی دەبێتەوە، وەک نەبوونی تەرخانکردنی دارایی بۆ بەردەوامبوونی پڕۆژە تەواوکراوەکان و دابینکردنی ئاوی ئاودێرییان بۆ دانیشتوانی ئەو زەویانەی سەر بە بەڕێوەبەرایەتییەکەن یان بەڕێوەبەرایەتییەکە پلانی هەیە پڕۆژەکانی تێدا جێبەجێ بکات.
ناوبراو بوونی کۆمەڵێک پڕۆژەی گرنگی دووپاتکردەوە کە لەلایەن بەڕێوەبەرایەتییەوە جێبەجێکراون بۆ ڕووبەڕووبوونەوەی کاردانەوەکانی گۆڕانی کەشوهەوا لەسەر کەرتی کشتوکاڵی و ژینگەیی، لەوانە پڕۆژەی دارستان و پەرەپێدان و باشترکردن و وەبەرهێنانی دارستانەکان، وەک چاندنی نەمامەکانی پاولۆنیاو پڕۆژەیەک بۆ سەقامگیرکردنی تەپۆڵکە خۆڵەکان و دروستکردنی گۆمه‌ئاویه‌كانی بیابانەکان، جگە لە کۆمەڵێک بەرنامەی وەک زۆرکردنی تۆوی ڕووەکی شوانکاری و تۆوی پزیشکی و بۆنخۆش و عەلوە، کە به‌رهه‌می ئابووری گەورەیان هەیەو ئاماژەی بە پێویستی چالاککردنی هەندێک پڕۆژە و بەرنامە كرد، کە دواکەوتوون پێش ئەوەی پۆستی بەڕێوەبەری گشتی وەزارەت وەربگرێت و لە ئێستادا کاریان لەسەر دەکات، بەپێی ئەو تەرخانکردنە داراییانەی کە لە وەزارەتەوە بەردەستن، هه‌روه‌ها ئاماژەی بەوەكرد کە وەزارەتەکەی بەشداری دەکات لە دەستپێشخەریی دارستانسازی دەستپێشخەرییە گەورەکە کە لەلایەن سەرۆک وەزیران پێنج ملیۆن نەمام بچێنێت، بەو پێیەی بەڕێوەبەرایەتییەکە چەندین دەزگای کەرتیی و قایمقامیەت و بەڕێوەبەرایەتییەکانی نەمامی جیاوازی نەمامیان بۆ دابینکرد.
له‌لای خۆیه‌وه سه‌ڕۆکی لیژنه‌که به‌ڕێز فالح حه‌سه‌ن خه‌زعه‌لی دووپاتیكرده‌وه كه پێویسته سوود له له ئه‌زموونه‌کانی وڵاتانی ناوچه‌كه بكرێت له ڕووبه‌ڕووبوونه‌وه‌ی کاریگه‌ڕییه‌کانی گۆڕانی که‌ش و هه‌وا له پڕۆژه‌کانی دارستان و دروستكردنی له‌وه‌ڕگه‌ی سروشتی و پێویستی دابینکردنی پلانی وەبەرهێنانی وەزارەت بۆ لیژنەکەو ئەو تەرخانکردنانەی کە خەرجکراون و ماونەتەوە یان کە وەزارەت پێویستی پێیانه، بەمەبەستی جێبەجێکردنی پڕۆژەکان بۆ کارکردن لەسەر هەماهەنگی و هاوکاری لەگەڵ وەزارەتەکانی کشتوکاڵ و دارایی و لیژنەی دارایی لە ئەنجومەنی نوێنەران، بۆ پەرەپێدان و پێشکەشکردنیان بۆ بەڕێوەبەرایەتییەکە، هەروەها پرسیاریكرد لەبارەی کارەکانی بەڕێوەبەرایەتییەکە لە پارێزگاکان و کوالیتی ئەو پشتگیرییەی کە پارێزگارەکان پێشکەشی بەڕێوەبەرایەتییەکە دەکەن.
هەروەها خه‌زعه‌لی پێویستی هاوکاری و هەماهەنگی لەگەڵ ڕێکخراوە نێودەوڵەتییە تایبەتمەندەکان لەم بوارەدا ئاڕاستە کرد، بۆ ئەوەی سوود لە شارەزاییەکانیان وەربگرن و کار بکەن بۆ سودوەرگرتن لە توانا مرۆییەکان لە بەشی بەڕێوەبردنی پڕۆژەکانی دارستان و ڕێگای سەوز.
فه‌رمانگه‌ی ڕاگەیاندن
ئه‌نجومه‌نی نوێنه‌ران
4/18/2024
