لیژنەی دارایی میوانداری وەزیری پلاندانان دهكات
لیژنەی دارایی بە سەرۆکایەتی ئەندازیار عەتوان ئەلعەتوانی، ڕۆژی چوارشەممە 27/3/2023 لەگەڵ جێگری سەرۆک وەزیران و وەزیری پلاندانان دکتۆر محەمەد تمیم، بودجەی وەبەرهێنانی و دۆسیەی لەخۆگرتنی پڕۆژەکان لە بودجەی وەبەرهێنان بۆ پارێزگاکان تاوتوێ کرد.
سەرۆکی لیژنەکە عەتوان ئەلعەتوانی، پێشوازی لە وەزیری پلاندانان کرد و جەختی کردەوە لەسەر پێویستی گفتوگۆکردن لەسەر ئەو بەربەستانەی پەیوەستن بە لەخۆگرتنی پرۆژە نوێکان و کۆتایی هێنان بە کێشەی دارایی بۆ تەواوکردنی پڕۆژەکانی پارێزگاکان و باشترکردنی ئەدای حکومەتە ناوخۆییەکان، لە هەمان کاتدا ئەو پرسیاری لە میکانیزمەکانی بەردەوامبوونی کارەکان کرد، سەبارەت بە پرۆژەکان و بەردەوامبوونی گونجاویان و جەختی لە سووربوونی لیژنەکە کردەوە، بۆ چارەسەرکردنی هەموو ئەو بەربەستانەی کە ڕووبەڕووی پارێزگاکان دەبنەوەو توانای ئەوەیان هەیە دۆخی خزمەتگوزاری بەرەوپێش ببەن.
لیژنەکە لەگەڵ دکتۆر محەمەد تمیم گفتوگۆیان کرد بۆ ئاسانکردنی ڕێوشوێنەکانی لیستکردنی پڕۆژەکان بەگوێرەی پلانەکانی پارێزگاکان بەگوێرەی بەرنامەی حکومەت، جگە لە بەرزکردنەوەی ئەو کێشانەی کە پارێزگاکان تووشی دەبن، لەوانە لەخۆگرتنی پڕۆژەکان و هۆکارەکانی دواکەوتنی داراییان، هەروەها ڕێوشوێنەکان بۆ دابینکردنی دارایی لە دەرەوەی خەرجییەکان و ئاسانکردنی ڕێوشوێنەکان بۆ لیستکردنی خزمەتگوزاری و پڕۆژە ستراتیژییەکان.
وەزیری پلاندانان پێداچوونەوەی بە پلانەکانی وەزارەت کرد سەبارەت بە گرتنەخۆی پڕۆژە ستراتیژی و خزمەتگوزاریەکان بۆ پارێزگاکان، جگە لە میکانیزمی دۆزینەوەی چارەسەر بۆ کێشەی پەسەندنەکردنی پارەدانی ئەلیکترۆنی و چۆنیەتی بەهێزکردنی متمانە بە کەرتی بانکی عێراق، هەروەها زیادبوونی بارستایی نەختینەیی هەروەک ڕوونیشیکردەوە کە قەیرانی دراوی هەیە نەک قەیرانی دارایی.
ئەندامانی لیژنەکە پرسیاریان دەربارەی کۆمەڵێک بابەت کرد، لەوانە دۆسیەکانی لیستکردنی پرۆژەکان و خشتەی بودجەی گشتی فیدراڵی بۆ ساڵی 2024 و هۆکارەکانی دواخستنەکەیان، هەروەها ئەگەری هەموارکردنەوەی ماددە و دەقەکانی بودجە هاوتا لەگەڵ خواستی هاوڵاتیان و جەختکردنەوە لەسەر گرنگی خێراکردنی ناردنیان بۆ دەنگدان لەناو ئەنجومەنی نوێنەران.
لە کۆتایی کۆبوونەوەکەدا، لیژنەکە داوای زانیاری وردی کرد لەسەر خشتە و پلانەکانی وەزارەت سەبارەت بە لەخۆگرتنی پرۆژەکان.
ئەنجومەنی نوێنەران
فەرمانگەی راگەیاندن
٢٠٢٤/٣/٢٧