لیژنه‌ی کاری پەرلەمانی میوانداری بەڕێوەبەری سەنتەری هاوکاری له بەغدا دەکات
لیژنەی کارو دامەزراوەکانی کۆمەڵگەی مەدەنی پەرلەمانی ڕۆژی دووشەممە 26/2/2024، بە سەرۆکایەتی پەرلەمانتار ناهیدە ئەلداینی و بە ئامادەبوونی ژمارەیەک لە ئەندامانی، میوانداری بەڕێوەبەری سەنتەری هاوکاری و شاندەکەی کرد، بە ئامادەبوونی ڕاوێژکاری جێگری یەکەمی سەرۆکی ئەنجومەن، بۆ گفتوگۆکردن لەسەر پێشنیاری یاسای ڕێکخراوی سەندیکای کرێکاران و کارمەندان و پیشەسازی لە عێراق .
لە کۆبوونەوەکەدا هەڵوێستی سەندیکاو یەکێتییەکان لەسەر پڕۆژە یاساکە ڕوونکرایەوەو وردەکاری پێشکەشکردنی ماددەو پێشنیارەکانی یاساکە هاوتا لەگەڵ ڕێککەوتنە نێودەوڵەتییەکان و بەرژەوەندییەکانی کرێکارو فەرمانبەران لەبەردەم خاوەنکارەکان و دەزگا حکومییەکان و دامەزراوەکانی دیکە، بۆ دڵنیابوون لەوەی کە کرێکاران مافە ڕەواکانی خۆیان بەدەستدەهێنێت سەبارەت بە دامەزراندنی فیدراسیۆن و سەندیکاکان و چۆنیەتی تۆمارکردنیان و ڕێکخستنی کارەکانیان و بابەتە پەیوەندیدارەکانی تر .
لە لایەکی دیکەوە، پەرلەمانتار ناهیدە ئەلداینی ڕوونیکردەوە کە لیژنەکە دەستی کردووە بە پێشکەشکردنی پڕۆژە یاسایەک بە مەبەستی پەرەپێدانی نەخشەڕێگایەک بۆ کارەکانی ئەو یەکێتییانە و لیژنەکە کاردەکات بۆ ئەنجامدانی گفتوگۆی چڕ لەگەڵ هەموو سەندیکاو یەکێتییەکان و وەزارەتی کار و کاروباری کۆمەڵایەتی بە هەماهەنگی لەگەڵ ڕێکخراوە نێودەوڵەتییەکان، بۆ تەواوکردنی پڕۆژە یاساکە، هەروەها کردنەوەی گفتوگۆ و دیالۆگ لەگەڵ خاوەنکارەکان بۆ گەیشتن بە هاوکێشەیەکی کۆتایی کە لەگەڵ پەیماننامە و ستانداردە نێودەوڵەتییەکانی کاردا بگونجێت و نوێنەرایەتییەکی ڕاستەقینەی کرێکاران بێت، بۆ ئەوەی هێزی بەکۆمەڵی کرێکاران بە ڕێکخراوە سەندیکاییەکان بدات و فشار بخەنە سەر خاوەنکارەکان بۆ بەدیهێنانی داواکارییەکانیان، کە هەر ڕێکخراوێکی سەندیکا پێکهاتەیەکی ڕێکخراوی هەیە کە لە ئەندام و بۆردی بەڕێوەبەران پێکهاتووە .
لیژنەکە کاری کردووە بۆ تەواوکردنی پڕۆژە یاساکە و گفتوگۆکردن لەسەر سەرۆکایەتی ئەنجومەن بەمەبەستی پێشکەشکردنی خوێندنەوەی یەکەم.
ڕێکخستنی چوارچێوەی یاسایی بۆ دامەزراندنی ڕێکخراوەکانی سەندیکاکان بۆ کرێکاران و فەرمانبەران و زامنکردنیان لەلایەن دەوڵەتەوە به‌ده‌ستهێناوه، بەپێی پەیماننامەکانی عێراق لەگەڵ ڕێکخراوی نێودەوڵەتی کار بۆ ئازادی کۆبوونەوە و بۆ ماوەیەکی درێژ بۆ چوونە بواری جێبەجێکردنەوە لە یاسای ڕێکخراوی سەندیکای کرێکاران ژمارە ٥٢ی ساڵی ۱۹۸۷ (هەموارکراو) .
لە لایەکی دیکەوە، بەڕێوەبەری سەنتەری هاوکاری ئاماژەی بە ئەگەری پشتیوانیکردنی ناوەندەکە کرد لە ڕووی تەکنیکی و لۆجستییەوە بۆ ئەوەی هاوکاری فیدراسیۆن و یەکێتییەکان بکات و بەشداری بکات لە ئامادەکردنی پڕۆژە یاساکە بۆ خزمەتکردنی هەموو لایەنەکان .
ئەنجومەنی نوێنەران
فەرمانگەی ڕاگەیاندن
٢٦ / ٢ / ٢٠٢٤