سەرۆکی ئەنجومەنی نوێنەران پێشوازی لە باڵیۆزانی قەتەر و کوەیت لە عێراق دەکات
محەمەد حەلبوسی سەرۆکی ئەنجومەنی نوێنەران، ئەمرۆ سێشەممە، لە دوو دیداری جیادا پێشوازی کرد لە بەرێز سلتان بن مبارەک خەلیفە کبەیسی باڵیۆزی نوێی قەتەر و بەرێز تارق عەبدوڵا فەرەج باڵیۆزی کوەیت.
بەرێزیان پیرۆزبایی لە بەرێز سلتان بن مبارەک بن خەلیفە کبەیسی کرد بەبۆنەی وەرگرتنی ئەرکە نوێکەی.
لە دیدارەکاندا تاوتوێی پەیوەندی دۆستانە و هەماهەنگی هەڵوێستیان لە ناوەندە نێودەوڵەتیەکان کرا دەرحەق بە پرسەکانی ناوچەکە و چەند پرسێکی تری جێی بایەخی هاوبەش.
هەر لە دیدارەکە تاوتوێی دواپێشهاتەکاتی بارودۆخی غەززە و هەوڵە دیبۆماسیەکان کرا بۆ ڕاگرتنی شەڕەکە و سەرلەنوێ بەرێزیان هەڵوێستی نەگۆڕی جەماوەری و فەرمی عێراقی خستەروو بۆ پشتیوانی لە پرسی فەلەستین.
نوسینگەی ڕاگەیاندنی
سەرۆکی ئەنجومەن نوێنەران
7 تشرینی دووەم 2023