لیژنەی ئافرەتی پەرلەمان میوانداری شاندێکی کۆمسیۆنی عێراق بۆ کۆنتڕۆڵکردنی سەرچاوە تیشکدەرەکان ده‌كات
ئەمڕۆ دووشەممە 13/3/2023 لیژنەی ئافره‌ت و خێزان و منداڵی پەرلەمان بە سەرۆکایەتی پەرلەمانتار دۆنیا عەبدولجەببار شەمەری سەرۆکی لیژنەو بەئامادەبوونی ئەندامانی، میوانداری شاندێکی کۆمسیۆنی عێراق بۆ کۆنترۆڵکردنەوەی سەرچاوە تیشکدەرەکان لە بارەگای خۆی لە ئەنجومەنی نوێنەران کرد.
دوای بەخێرهاتنی شاندی میوان لەلایەن پەرلەمانتار شەمه‌ری، ئەندازیاری ناوکی بەڕێز عادل حاوی مەزبان سەرۆکی کۆمسیۆنەکە، کورتەیەکی لەسەر کارەکەی و ڕۆڵی خۆی لە کۆنتڕۆڵکردنی ماددە بەرهەمهێنراوەکان پێشکەشکرد، کە لە سەرچاوەکانی تیشکدانەوەی ناوکی دروست دەبێت، لە ڕێگەی کادرە تەکنیکییە جیاکراوەکانی پەیوەست بە کارەکانی لەگەڵ ئاژانسی گشتی وزەی ئەتۆمی کە ڕاپۆرتی خولی بۆ دابین دەکات.
لە لایەکی ترەوە سەرۆکی کۆمیسیۆن داوای لە لیژنەی ئافره‌تی په‌رله‌مان کرد کە پشتگیری و پشتیوانی لێبکەن، لەڕێگەی پێشکەشکردنی داواکارییەکانیان بۆ سەرجەم ئەندامانی ئەنجومەنی نوێنه‌ران و کار بکەن بۆ ئەوەی کۆمیسیۆنەکە سەربەخۆ بێت لە یاساو کارەکانی و لەگەڵ وەزارەتی ژینگە یەکنەگرێتەوە و پەیوەندی بە سەرۆک وەزیرانەوە هەیە.
ئەنجومەنی نوێنەران
فەرمانگەی ڕاگەیاندن
١٣ / ٣ / ٢٠٢٣