لیژنه‌ی خوێندنی ئه‌نجومه‌ن تاوتوێی دۆسیه‌ی چاكسازی تایبه‌ت به وه‌زاره‌تی خوێندنی باڵاوه ده‌كات
لیژنه‌ی خوێندنی باڵاو توێژینه‌وه‌ی زانستی، به سه‌رۆكایه‌تی قاسم خه‌یات، سه‌رۆكی به ته‌مه‌ن و ئاماده‌بونی ئه‌ندامه‌كانی، رۆژی پێنجشه‌ممه بۆ تاوتوێكردنی ئه‌و بابه‌تانه كۆبوه‌وه، كه له خشته‌ی كاره‌كانیدان.
كۆبونه‌وه‌كه تاوتوێی دۆسیه‌ی چاكسازی تایبه‌ت به وه‌زاره‌تی خوێندنی باڵاشی كرد له په‌نای پێكهێنانی چه‌ند لیژنه‌یه‌كی لاوه‌كی به مه‌به‌ستی چاودێریكردنی داواكاری هاوڵاتیان له‌گه‌ڵ پێداچونه‌وه به یاسا كارپێكراوه‌كانی خوێندنی باڵا و ئاماده‌كردنی پلانی كاری لیژنه‌كه بۆ خولی ئێستا.
فه‌رمانگه‌ی راگه‌یاندنی
ئه‌نجومه‌نی نوێنه‌رانی عێراق
١٩/٥/٢٠٢٢