لیژنەی پەروەردە میوانداری بەڕێز وەزیری پەروەردە و لیژنەی چاپکردنی کتێب دەکات
لیژنەی پەروەردەی پەرلەمان بە سەرۆکایەتی دکتۆر سوعاد جەبار وائیلی سەرۆکی لیژنەو ئامادەبوونی ئەندامانی لیژنە، ئەمڕۆ چوارشەممە، میوانداری وەزیری پەروەردە دکتۆر ئیبراهیم نامس جبوری کرد، بە ئامادەبوونی ئەندامانی لیژنەی چاپکردنی کتێب.
میواندارییەکە کە لە بارەگای سەرەکی لیژنەی پەروەردە لە ئەنجومەنی نوێنەران بەڕێوەچوو، گفتوگۆ كرا لەسەر کێشەی چاپکردنی کتێب، کە وەک بەردەوامبوونی زنجیرەیەک میوانداری بەردەوام دێت، کە لەلایەن لیژنەی چاپکردنی کتێبەوە ئەنجامدران، بۆ لێکۆڵینەوە لە ئامادەیی وەزارەت بۆ دابینکردنی کتێب، بەتایبەتی لە کاتێکدا کە ئەمڕۆ نزیک دەبینەوە لە دەستپێکردنی ساڵی نوێی خوێندن، هەروەها ئامادەکردنی ڕوونکردنەوەیەکی ورد لەسەر ئەو بەڵگەنامە ستانداردەی کە بەشی گرێبەستەکان لە وەزارەت پشتی پێبەستووە بە گرێبەستكردن لەگەڵ چاپخانەکان و ڕێژەی دەستکەوتە ڕاستەقینەکان کە لەلایەن چاپخانەکان تەواوکراون و تا چ ڕادەیەک لیژنەکانی هەڵسەنگاندن بەدواداچوونیان بۆ دەکەن، جەختیش كرایه‌وه لەسەر پێویستی تەواوکردنی ئەم دۆسیە گرنگەو پابەندبوون بەو کاتانەی کە بۆ گەیاندنی کتێب بۆ کۆگاکان دیاریكراوه.
لە لایەکی ترەوە، کۆبوونەوەکە باسی لە سیستەمی هەوڵەکان و دووبارە کارکردنەوەی بۆ ئەمساڵ کرد، تەنها بۆ خوێندکارانی پۆلی شەشەمی قوتابخانەی ناوەندی، دوای هەڵوەشاندنەوەی سیستەمەکە، بۆ دڵنیابوون لە داهاتووی خوێندکارە خۆشەویستەکانمان.
لە لایەکی دیکەوە، وەزارەتی پەروەردە لە ڕێگەی وەزیرەوە ئاماژەی بەوە کرد کە وەزارەت ڕووبەڕووی چەندین کۆسپ بووەتەوە، کە کاریگەرییەکی بەرچاویان هەبووە لەسەر دواکەوتنی چاپکردنی کتێبەکان، له‌وانه دواکەوتنی پەسەندکردنی بودجە، کە بەربەستێکی گەورە بوو لە ڕەوانەکردنی گرێبەستەکانی چاپکردن و جەختی لە ئامادەیی وەزارەت کردەوە بۆ ڕووبەڕووبوونەوەی ئەو بەربەست و کێشانەی کە دەبنە هۆی دواکەوتنەکە.
لە هەمان چوارچێوەدا، لیژنەی پەروەردە جەختی کردەوە لەسەر گرنگی تەواوکردنی گرێبەستەکان بۆ چاپکردن و تەواوکردنی کتێب و خێراکردن له ناردنیان بۆ بەڕێوەبەرایەتییەکان، پێش دەستپێکردنی ساڵی نوێی خوێندن.
ئەنجوومەنی نوێنەران
فەرمانگەی راگەیاندن
٢٠٢٣/٩/١٣