لیژنەی پەروەردە كۆبۆونه‌وه‌یه‌ك ده‌به‌ستێت بۆ تاوتوێكردنی كارنامه‌ی دانیشتنه‌كان
لیژنەی پەروەردەی پەرلەمان، ڕۆژی شەممە، کۆبوونەوەیەکی بە سەرۆکایەتی پەرلەمانتار سواد جەبار وائیلی سەرۆکی لیژنەو ئامادەبوونی ئەندامانی لیژنە به‌ست، بۆ گفتوگۆکردن لەسەر كارنامەی دانشتنەكان.
لە کۆبوونەوەکەدا باس لە دۆسیەی دامەزراندنی (50) هەزار گرێبەست بۆ وەزارەتی پەروەردە كرا، بەپێی پێویستی ڕاستەقینەی پارێزگاکان (بەغدا، نەینەوا، نەجەف، کەربەلای پیرۆز، مەیسان، موسه‌ننا، زیقار، سەلاحەدین) لەسەر بنەمای ماددەی (66) و هەشتەمی یاسای بودجەی فیدراڵی بۆ ساڵی 2023.
لیژنەکە جەختی لە بەدواداچوونی ئەم بابەتە کردەوە، بە هەماهەنگی لەگەڵ وەزارەتی پەروەردە، بە مەبەستی پێداچوونەوە بە کۆنترۆڵ و میکانیزمەکانی وەرگرتنی داواکاران، هەروەها دیاریکردنی بەروارێک بۆ میوانداریکردنی وەزیری پەروەردەو لیژنەی چاپکردنی کتێب، بە مەبەستی گفتوگۆکردن لەسەر بابەتە پەیوەندیدارەکان بە دۆخی پەروەردەیی و ئامادەکارییەکانی وەزارەت لەگەڵ دەستپێکردنی ساڵی نوێی خوێندن و هەروەها ڕێژەی تەواوکردنی چاپکردنی کتێبەکان.
هەر لە کۆبوونەوەکەدا باس لە هەڵوەشاندنەوەی سیستەمی هەوڵەکان بۆ خوێندکارانی پۆلی شەشەمی قوتابخانەی ناوەندی کرا، کە تیایدا لیژنەکە پێشنیاری هەڵوەشاندنەوەی بەڕێوەبەرایەتی گشتی هەڵسەنگاندن و تاقیکردنەوەکانی کرد، کە تیایدا ئاماژە بە ڕاگرتنی سیستەمی هەوڵەکان و پێویستی گەڕانەوە بۆ سەر کارەکانیان بۆ ئەمساڵ دەکات، تەنها بۆ دڵنیابوون لە داهاتووی قوتابیان و دادپەروەرییان بۆ تەواوکردنی کارە ئەکادیمییەکەیان.
ئەنجومەنی نوێنەران
فەرمانگەی راگەیاندن
٢٠٢٣/٩/٩