لیژنەی پەروەردەی پەرلەمان سەردانی قوتابخانەی عێراقی لە تونس دهكات
لیژنەی پەروەردەی پەرلەمان بە سەرۆکایەتی سەرۆکی لیژنە دکتۆر سعاد جەبار ئەلوائیلی و بە یاوەری ژمارەیەک لە ئەندامانی قوتابخانەی عێراقی لە تونس، بە یاوەری کارگێڕی باڵیۆزخانەی عێراق لە تونس بەڕێز (عەبدولحەکیم ئەلحەتاب)، سەردانی قوتابخانەی عێراقی لە تونس کرد.
لەگەڵ بەڕێوەبەری قوتابخانەی عێراقی له تونس بەڕێز عەبدوڵڵا عەلەج کۆبۆوه و بارودۆخی خوێندکارانی عێراقی و ئەندامانی کۆمەڵگەی عەرەبی لەم قوتابخانەیەدا تاوتوێکرد.
لهدیدارهكهدا لیژنە پێداچوونەوەی به قۆناغهكانی زانستی و ئەکادیمی قوتابیان کردو جەختی له سەر گرنگی پیشاندانی روخساری عێراق به شێوەیەکی جوان له دهرەوەی وڵات و بررزکردنەوەی ڕۆڵی له بواری پەروەردەی نێودەوڵەتیدا کردەوه.
دواتر پێداچوونەوە كرا به دۆخی قوتابخانەکەو دڵنیابوون لەچۆنیەتی ئەنجامدانی تاقیکردنەوەکانی ئامادەیی پۆلی شەشەمی بنەڕەتی بۆ خوێندکارانی عێراقی لەدەرەوەی وڵات و دڵنیابوون لە باشی و سەرپێچی نەكردن و پاشان پێشنیازەکانی ئەندامانی لیژنەکە، بۆ پاڵپشتیکردنی قوتابخانەکە لەڕووی پراکتیکی و پەروەردەییەوە، بۆ باشترکردنی بارودۆخی خوێندنگاکانی عێراق لەدەرەوەی وڵات بەگشتی، کە دیارترینیان ئەگەری دابینکردنی خوێندنی بەخۆڕایی بۆ خوێندکارانی عێراقی کە لەدەرەوەی وڵات ئەو قوتابخانانە نایانگرێتەوەو دابینکردنی پڕۆگرامی مۆدێرن و چاپکراو بەگوێرەی دوایین ستانداردهكانی ئەکادیمی.
لهلای خۆیەوە پەرلەمانتار ئەلوائیلی ستایشی هەوڵەکانی بەڕێوەبەرایەتی قوتابخانەکانی عێراق لە تونس و کارگێڕی باڵیۆزخانەی عێراق لە تونس کرد و ستایشی ڕۆڵیان کرد لەڕەخساندنی ژینگەیەکی پەروەردەیی گونجاو و پاڵپشت بۆ قوتابیان.
هەروەها جهختكرایهوه لهسهر گرنگی هاوکاری بەردەوامی نێوان هەموو لایەنەکان بۆ دڵنیابوون لە پەرەپێدانی پرۆسەی پەروەردە و بەدەستهێنانی باشترین ئەنجامەکان.
ئەنجومەنی نوێنەران
فەرمانگەی ڕاگەیاندن
٢٠٢٤/١١/١٢
