لیژنەی نەوت و غاز لە ئەنجومەنی نوێنەران میوانداری كادیرە پێشكەوتووەكانی وەزارەتی نەوت دەكات بۆ ئاگاداربوون لەسەر میكانیزمی كاری وەزارەت
لیژنەی نەوت و غاز و سامانە سروشتییەكان بە سەرۆكایەتی سەرۆكی تەمەن یەحیا عیساوی و هەردوو جێگرەكەی عەلی مەشكور و نەهرۆ مەحمود و بە ئامادەبوونی بەڕێزانی ئەندامانی لیژنەكە ڕۆژی چوارشەممە 1/6/2022 میوانداری كادیرە پێشكەوتووەكانی وەزارەتی نەوتی كرد كە پێكهاتبوون لە بەڕێزان بەڕێوەبەرانی گشتی، بۆ ئاكاداربوون لە ڕەوشی كۆمپانیا نەوتییەكان و ئەو كێشانەی ڕووبەڕوویان دەبێتەوە.
لە میانی میواندارییەكەدا كە لە بارەگای لیژنەكە گرێدرابوو لیژنەكە باسی لە گرنگی وەزارەتی نەوت و سەرجەم ئۆرگانەكانی كرد لەسەر ئابووری عێراق و ئاماژەی بەوەشدا كە كارەكانی پەیوەندی بە ئەركەكانی لیژنەكە وە هەیە هەر بەم هۆیەوە پێویست دەكات هاوكاری دوولایەنە هەبێت بۆ پەرەپێدانی كەتوانی وەزارەتەكە و پێكهاتەكانی. بەهەمانشێوە بەبایەخەوە باس لە پێویستی تەواوكردنی پڕۆژەكانی دامەزراوە نەوتییەكان كرا بۆ زیادكردنی بەرهەمهێنانی نەوت وغاز بەپێی ئەو ڕێسا و ڕێنماییانەی ڕێكخراوی ئۆپێك لەسەریان دەڕوات.
هەر لەم میوانداریەدا ئەندامانی لیژنەكە پرسیاریان دەربارەی توانای وزەی بەرهەمە نەوتییەكان كرد، هەروەها ڕوونكردنەوەیەكی تێروتەسەل درا لەسەر كێڵگە دۆزراوەكانی پارێزگای واست كە %48 كیڵگەكانی غاز پێكدەهێنن و ئایا دەتوانێت خزمەت بە ئابووری عێراق بكات؟ دووپاتیان كردەوە پشتگیری لیژنەكە بۆ وەزارەت و ئۆرگانەكانی بەردەوام دەبێت.
لەلایەن خۆیانەوە بەڕێزان بەڕێوەبەرەگشتییەكان ڕوونیان كردەوە كە كێشەیەكی زۆر ڕووبەڕووی كارەكانیان دەبێتەوە كە گرنگترینیان لایەنی ئەمنی و لاوازیی ئەو لایەنە ئەمنییانەیە كە بەرپرسی پاراستنی دامەزراوە نەوتییەكانن، هەروەها ڕایانگەیاند كە كۆمپانیاكانیان لە هەوڵدان بۆ بەرزكردنەوەی كەتوانی كارەكانیان وزیادكردنی بەرهەمەكانیان بەشێوەیەك لە ئاست داخوازییەكانی ڕێكخراوی ئۆپێكدا بێت، بە هەمانشێوە ئاماژەیان بە گرنگی هاوكاری دوولایەنە لە نێوان كۆمپانیاكان و لیژنەكانی نەوت و غاز و سامانە سروشتییەكان دا لە ئەنجومەنی نوێنەران بۆ چارەسەری گرفتەكان و تێپەڕاندنی ئاستەنگەكانی بەردەم كاركردنیان و دووپاتیان كردەوە كە دەرگای كۆمپانیاكانیان كراوەیە بە ڕووی بەڕێزانی ئەندامانی لیژنەكە لە هەركاتێكدا بیانەوێت سەردانیان بكەن.
ئەنجومەنی نوێنەران
فەرمانگەی ڕاگەیاندن