لیژنەی دارایی سەردانی بارەگای گومرگی تونس ده‌كات بۆ به‌سه‌ركردنه‌وه‌ی میكانیزمی كاركردنی و ئاڵوگۆڕكردنی شاره‌زاییه‌كان
ڕۆژی پێنجشەممە 31/10/2024 شاندی لیژنەی دارایی بەسەرۆکایەتی ئەندازیار عەتوان ئەلعەتوانی سەردانی بارەگای گومرگی تونسی کرد و لەگەڵ بەڕێوەبەری گشتیی گومرگ و ستافی پێشکەوتووی دەزگاکە کۆبوونەوە.
شاندی لیژنەی دارایی لەگەڵ بەرپرسانی تونسی لە دەزگای گشتیی گومرگ میکانیزمی کارکردن لە کەرتی گومرگ و سیستەمە ئەلیکترۆنییەکانی بەکارهاتوو بۆ ئۆتۆماتیکی خزمەتگوزارییەکان لە دەسەڵاتی تونس تاوتوێکرد.
له کۆبوونەوه‌که‌دا چۆنیەتی ئاڵوگۆڕكردنی شارەزایی و ئەزموونی تونسی له‌م بواره‌دا بۆ عێراق تاوتوێکرا و چۆنیه‌تی سوودلێوەرگرتن له بەڕێوەبردنی کارەکانی دەستەی گشتی گومرگ.
بەڕێز عەتوانی ئاماژەی بەوەدا کە کێشەیەک هەیە لە لێکدانەوەی داتاکانی نێوان کۆمپانیا هاوردەکارەکان و بانکی ناوەندیدا سەبارەت بە گونجاندنی پسوڵەی هاوردەکردن لەگەڵ کاڵای دابینکراو، جگە لەو ئاستەنگانەی ڕووبەڕووی پرۆسەی دەرهێنانی گومرگی دەبنەوە.
سەرۆکی لیژنەی دارایی ئەوەشی خستەڕوو کە یەکێک لەو کێشانەی کە ئێمە دەمانەوێت لێی ڕزگاری بین پەیوەندی بە بەکارهێنانی کاغەز لە مامەڵەکاندا هەیە، ئاماژەی بەوەشکرد کە ئەمە لانکەی گەندەڵی و دەستکاریکردن و خراپی خزمەتگوزارییەو هیچ چارەسەرێک نییە جگە لە گۆڕینی دیجیتاڵی و ئۆتۆماتیکی کردنی کاریگەری ئەم کەرتە.
هەروەها لەكۆبوونەوەکەدا پاکێجی یاساو ڕێککەوتننامەکانی رێکخستنی بازرگانی ئازاد لەگەڵ وڵاتانی دیکەو ڕۆڵی دەزگای گومرگ لە بەرەنگاربوونەوەی قاچاخچێتی و کۆچکردنی نایاسایی سەرمایەو پاراستنی بەکاربەران و پاڵپشتیکردنی پیشەسازی نیشتمانی تاوتوێ کرا.
ئەنجومەنی نوێنەران
فەرمانگەی ڕاگەیاندن
٢٠٢٤/١٠/٣١
