لیژنەی دارایی دۆسیەی کەرتی نەوت لەگەڵ لیژنەی نەوت و گاز تاوتوێ دەکات
لیژنەی دارایی ئه‌مڕۆ شەممە 27/5/2023، بە سەرۆکایەتی ئەندازیار عەتوان عەتوانی سه‌رۆكی لیژنه‌و ئامادەبوونی ژمارەیەک لە ئەندامانی لیژنە، میوانداری لیژنەی نەوت و گاز و سەرچاوە سروشتیەکانی کرد، بۆ گفتوگۆکردن لەسەر پێشنیارەکانی سەبارەت بە کەرتی نەوت.
لە سەرەتای میواندارییەکەدا، بەڕێز عەتوانی به‌خێرهاتنی سەرۆک و ئەندامانی لیژنەكە کردو ئاماژەی بەوەدا کە لیژنەی دارایی هەموو تێبینیەکانی لیژنەکانی پەرلەمان لەبەرچاو دەگرێت و ئاماژەی بەوەشکرد كه لیژنە وردبینی وردی كردوە بۆ بڕگەکانی بودجە بە مه‌به‌ستی کەمکردنەوەی خەرجیەکان و زیادکردنی داهاتە نا نەوتییەکان و ڕوونیشیکردەوە کە لیژنەکە نزیکە لە تەواوکردنی یاسای بودجەو چاوەڕێی دیاریکردنی بەروارێک ده‌كات بۆ دەنگدان لەسەری لە ئەنجومەنی نوێنەران.
سەرۆکی لیژنەی نەوت، بەڕێز هەیبەت حەلبووسی، سوپاسی هەوڵە بەردەوامەکانی لیژنەی دارایی کرد، بۆ تەواوكردنی یاسای بودجەو پەرۆشی بەردەوامیان بۆ ئەم پڕۆسەیە، لە کاتێکدا وردەکاری پەیوەندیدار بە کێڵگەی نەوت و کێشەکانی وەزارەتی نەوت و هەناردەکردنی نەوت و گرێبەستەکانی مۆڵەتپێدان و پێویستی دڵنیابوون لە پارەی پێویست بۆ بەردەوامبوونی کارەکانی کۆمپانیاکانی نەوت باسیان لێوەكرا.
هه‌ردوو لیژنەی دارایی و نەوتی پەرلەمان بابەتی کۆکردنەوەی کرێ لە داهاتی فرۆشتنی نەوت تاوتوێكرد، جگە لە کاری کۆمپانیاکانی پاڵاوتگەی نەوت و تێچوونی پارەو هەناردەکردن بۆ زیادکردنی داهاتی نەوت و سوود گەیاندن بە گه‌نجینه‌ی دەوڵەت.
ئەنجومەنی نوێنەران
فەرمانگەی راگەیاندن
٢٠٢٣/٥/٢٧