لیژنه‌ی گواستنه‌وه‌و په‌یوه‌ندییه‌كان له‌گه‌ڵ به‌ڕێوبه‌ری گشتی ده‌سته‌ی باڵای ده‌ریایی و راوێژكاری وه‌زاره‌تی گواستنه‌وه كۆده‌بێته‌وه
په‌رله‌مانتاری ئه‌ندازیار زه‌هره به‌چاری سه‌رۆكی لیژنه‌ی گواستنه‌وه‌و په‌یوه‌ندیه‌كان ئه‌مڕۆ پێنجشه‌ممه 27/4/2023 له‌گه‌ڵ به‌ڕێوبه‌ری گشتی ده‌سته‌ی باڵای ده‌ریایی راوێژكاری وه‌زاره‌تی گواستنه‌وه كۆبۆوه
له‌كۆبونه‌وه‌كه‌دا تاوتوێی واقیعی ئێستای ده‌سته‌ی ده‌ریایی وئاسته‌نگه‌كانی پێوه‌ی ده‌ناڵێنێت تاوتوێكردو ، سه‌رۆكی لیژنه‌كه جه‌ختی له‌سه‌ر پێویستی ده‌سته‌كه كرده‌وه كه بارودۆخی ئاسایی خۆی وه‌رگرێت و داواكاریه‌كانی IMO ی نێوده‌وڵه‌تی جێبه‌جێبكات
هه‌روه‌ها له‌كۆبونه‌وه‌كه‌دا تاوتوێی رۆڵی ده‌سته‌ی چاودێرییان له‌سه‌ر هه‌موكه‌شتیه عێراقی و بیانیه‌كانیان له‌ناو ئاوه هه‌رێمییه‌كان كرد له‌گه‌ڵ رێكخستنی سه‌لامه‌تی كه‌شتیوانی ده‌ریایی و سه‌رپه‌رشتیكردنی چونه‌ژوره‌وه‌ی كه‌شتیه‌كان بۆبه‌نده‌ره‌كان و ئاماژه‌شیاندا به پێویستی پاراستنی سه‌لامه‌تی به‌نده‌ره‌كان و ژینگه‌ی ئاویی و رێكخستنی پرۆسه‌كانی رێنمایی ئاوی و چاودێریكردنی كه‌شتیه‌كان له روداوه ئاویه‌كان و كۆنترۆڵی روپێوی ده‌ریایی بكه‌ن به‌پێی مه‌رجی هونه‌ری كه‌شتیه‌كان.
سه‌رۆكی لیژنه‌ی گواستنه‌وه‌و په‌یوه‌ندیه‌كان جه‌ختی له‌سه‌ربه‌خۆیی كاری ده‌سته‌كه كرده‌وه‌و وتیشی ده‌بێت ده‌سه‌ڵاتێكی ته‌واوی هه‌بێت , هه‌روه‌ها ئاماده‌بوان باسیان له‌پێویستی هه‌مواركردنه‌وه‌ی یاسای ده‌سته‌ی باڵای ده‌ریایی عێراق كرده‌وه‌و په‌یكه‌ری رێكخراوه‌یی به‌پێی پیداویستیه‌كانی رێكخراوی ده‌ریایی نێوده‌وڵه‌تی IMO بگه‌ڕێته‌وه تاببێته پلانێكی كه‌رتی ده‌ریایی له‌چوارچێوه‌ی پلانه گشتیه‌كانی ده‌وڵه‌تدا
فه‌رمانگه‌ی راگه‌یاندن
ئه‌نجومه‌نی نوێنه‌ران
27/4/2023