دکتۆر شاخەوان عەبدوڵا لەگەڵ مستەفا کازمی کۆدەبێتەوەو پرسی شایسته داراییهكانی جوتیاران و یاسای پشتیوانی فریاکەوتنی ئاسایشی خۆراک تاوتوێدەکەن، تەئکيدیش لە پێویستی بەردەوامی هەماهەنگی نێوان دامەزراوەی یاسادانان و ئەنجومەنی وەزیران دەکەنەوە
جێگری سەرۆکی ئهنجومهنی نوێنهرانی عێراق ئەمڕۆ سێ شەممە 2022/4/26 لەبەغداد لەگەڵ مستەفا کازمی سەرۆک وەزیرانی عێراق کۆبوەوە ، لەدیدارێكدا دوا پەرەسەندنەکانی بارودۆخەکە و پێشهاتە سیاسی و ئەمنییەکانی گۆڕەپانی عێراق و هەوڵ و کۆششی هێزو لایەنە سیاسی و نیشتمانییەکان بۆ تێپهڕاندنی قەیران و ئاستهنگهکان خرایه بهرباس، هەروەها تەواوکردنی هەنگاوەکان و شایسته دهستوورییهكان بۆ پێکهێنانی حکومەتی نوێ .
دکتۆر شاخەوان عەبدوڵا ڕونیکردەوە، لەدیدارەکەی لەگەڵ سەرۆک وەزیران پرسی شایسته داراییەکانی جووتیاران بۆ ساڵانی ڕابردوو و گرنگیی پشتیوانیکردنی کەرتی کشتوکاڵی تاوتوێکراوە، لهگهڵ ئهوهشدائاماژه يدا بهدۆسییهی ئهمنی وپێشێلكارییهكانی ئهم دواییه و میكانیزمی چارهسهركردنی كێشهى ئهمنی و ئهوناوچانهی سهقامگیر نییه ههروهها بهرزكردنهوهی ئاستی توانای هێزه ئهمنی وسهربازییهكان بۆ كۆنترۆڵكردنی تهواوی ئهوناوچانهش، هاوکات ڕۆشنایی خراوەتەسەر گرنگی بەردەوامبونی کارەکانی ئەنجومەنی نوێنەران لەم قۆناغەدا بۆ تێپەڕاندنی یاسا گرنگهكان، لهوانهش یاسای پشتیوانی فریاكهوتنی ئاسایشی خۆراك و گهشهسهندن كه لهلایهن حكومهتهوه ڕەوانەی ئهنجومهنی نوێنهران کراوە.
هەردوولاش جەختیان لەسەر پێویستی بەردەوامبوونی هەماهەنگی هاوبەش لەنێوان دامەزراوەی یاسادانان و ئەنجومەنی وەزیران و پەسەندکردنی یاساکان کردوەتەوە، بەجۆرێک پێشکەشکردنی خزمەتگوزارییەکان بەهاووڵاتیان فەراهەمبکات بکات و هاوکاریش بێت لەبەهێزکردنی دۆخی ئەمنی و سەقامگیریی لەسەرجەم پارێزگاکاندا.
نوسینگهی راگهیاندنی جێگری سهرۆكی ئهنجومهنى نوێنهرانی عێراق
سێ شهممه 26 ی نیسانی 2022