دكتۆر شاخه‌وان عه‌بدوڵا به‌بۆنه‌ی هه‌ڵبژاردنی به‌جێگری سه‌رۆكی ئه‌نجومه‌نی نوێنه‌رانی عیراق له‌لایه‌ن فه‌رمانده سیاسی و وه‌زیره به‌ڕێزه‌كانه‌وه پیرۆزبایی لێده‌كرێت
به‌ڕێز دكتۆر شاخه‌وان عه‌بدوڵا ئه‌حمه‌د جێگری سه‌رۆكی ئه‌نجومه‌نی نوێنه‌رانی عیراق له‌لایه‌ن فه‌رمانده سیاسی و وه‌زیره به‌ڕێزه‌كانه‌وه پیرۆزبایی لێكرا له‌وانه‌ش( به‌ڕێز دكتۆر سه‌لیم ئه‌لجبوری سه‌رۆكی ئه‌نجومه‌نی نوێنه‌ران له‌خولی سێهه‌می په‌رله‌مان ، به‌ڕێز عه‌دنان ده‌رجال وه‌زیری لاوان ووه‌رزش ،به‌ڕێز ئیحسان عه‌بدولجه‌بار وه‌زیری نه‌وت ، به‌ڕێز قاسم ئه‌لئه‌عره‌جی راوێژكاری ئاسایشی نه‌ته‌وه‌یی ، به‌ڕێز جه‌بار عه‌لی ئه‌للعێبی وه‌زیری نه‌وتی پێشوو ) به‌بۆنه‌ی به‌ده‌ستهێنانی باوه‌ڕی ئه‌ندامانی ئه‌نجومه‌نی نوێنه‌ران و هه‌ڵبژاردنی به‌جێگری سه‌رۆكی ئه‌نجومه‌نی نوێنه‌ران له‌ده‌ستپێكردنی دانیشتنی خولی پێنجه‌می په‌رله‌مان ،هیوایان بۆ به‌ڕێزی خواست سه‌ركه‌وتووبێت له‌ئه‌رك وئه‌وكارانه‌ی ده‌سته‌ی سه‌رۆكایه‌تی ئه‌نجومه‌ن و په‌رله‌مانتاره به‌ڕێزه‌كان راسپێردراوه.
نوسینگه‌ی راگه‌یاندنی جێگری سه‌رۆكی ئه‌نجومه‌نی نوێنه‌رانی عیراق
چوارشه‌ممه 12ی كانونی دووه‌می 2022