دكتۆر شاخه‌وان عه‌بدوڵا به‌دواداچوون بۆ په‌ره‌سه‌ندنی روداوه‌كانی كه‌ركوك ده‌كات و له‌په‌یوه‌ندیدایه له‌گه‌ڵ سه‌رۆك وه‌زیران و هه‌ندێك له لایه‌ن و كه‌سایه‌تییه‌كان، جه‌ختده‌كاته‌وه له‌سه‌ر ئه‌وه‌ی نانه‌وه‌ی پشێوی و دروستكردنی قه‌یرانه‌كان و داخستنی رێگاكان هه‌ڕه‌شه‌یه بۆ سه‌ر ئاشتی كۆمه‌ڵایه‌تی
دكتۆر شاخه‌وان عه‌بدوڵا به‌دواداچوون بۆ په‌ره‌سه‌ندنی روداوه‌كانی كه‌ركوك ده‌كات و له‌په‌یوه‌ندیدایه له‌گه‌ڵ سه‌رۆك وه‌زیران و هه‌ندێك له لایه‌ن و كه‌سایه‌تییه‌كان، جه‌ختده‌كاته‌وه له‌سه‌ر ئه‌وه‌ی نانه‌وه‌ی پشێوی و دروستكردنی قه‌یرانه‌كان و داخستنی رێگاكان هه‌ڕه‌شه‌یه بۆ سه‌ر ئاشتی كۆمه‌ڵایه‌تی .
جێگری سه‌رۆكی ئه‌نجومه‌نی نوێنه‌رانی عێراق , به نیگه‌رانییه‌كی زۆره‌وه به‌دواداچوون بۆ په‌ره‌سه‌ندنی روداوه‌كانی پارێزگای كه‌ركوكی كردو له‌كاتژمێره‌كانی رابردوودا، په‌یوه‌ندی ته‌له‌فۆنی له‌گه‌ڵ سه‌رۆك وه‌زیران و ژماره‌یه‌ك له‌لایه‌ن و كه‌سایه‌تییه‌كان ئه‌نجامدا.
به‌ڕێزی نیگه‌رانی خۆی ده‌ربڕی له به‌رزبونه‌وه‌ی ژماره‌ی شه‌هیده‌كان بۆ چوار لاوی كوردو به‌رزبونه‌وه‌ی ژماره‌ی برینداره‌كان، به‌هۆی كاریگه‌ری ته‌قه‌كردنی هێزه ئه‌منییه‌كان بۆ بڵاوه‌پێكردنی خۆپیشانده‌رانی ئاشتیانه‌ی رۆڵه‌كانی كه‌ركوك، ئه‌وانه‌ی داوای كردنه‌وه‌ی رێگای كه‌ركوك – هه‌ولێریان كردبوو.جه‌ختیشیکردەوە، نانەوەی ئاژاوەو دروستكردنی قه‌یرانەکان و داخستنی رێگاكان و زیان گه‌یاندن به به‌رژه‌وه‌ندی هاوڵاتیان، به دڵنیاییه‌وه هه‌ڕه‌شه‌یه بۆ سه‌ر ئاشتی كۆمه‌ڵایه‌تی و ئاسایش و سه‌قامگیری شاره‌كه تێكده‌دات.
جێگری سه‌رۆكی ئه‌نجومه‌نی نوێنه‌رانی عێراق، داوای له‌حكومه‌تی فیدڕاڵییش كرد، رێوشوێنی پێویستی به‌په‌له بگرێته‌به‌رو ئاسایش و سه‌روه‌ری یاسا به‌سه‌ر هه‌مویاندا بسه‌پێنێت، لەگەل پاراستنی ئاسایش و ژیانی سه‌رجه‌م پێكهاته‌كانی كه‌ركوك و رێگرتن له هەموو ئەوانەی هەوڵی تێکدانی ئاسایشی پارێزگاكه ده‌ده‌ن.
بە پێویستیشی زانی، لێپێچینه‌وه له‌و هێزه ئه‌منییانه بکرێت، کە ته‌قه‌یان له خۆپیشانده‌رانی ئاشتیخواز كردووه، لەگەڵ کردنەوەی رێگای نێوان كه‌ركوك –هه‌ولێرو گەڕاندنەوەی سه‌قامگیری و ژیانی ئاسایی بۆ شاره‌كه.
نوسینگه‌ی راگه‌یاندنی جێگری سه‌رۆكی ئه‌نجومه‌نی نوێنه‌رانی عێراق
یه‌ك شه‌ممه 3 ی ئه‌یلولی 2023