بە چاودێری مەندەلاوی.. ئەنجومەنی نوێنەران(9)یەمین ساڵیادی فەتوای جیهادی كیفائی زیندوو رادەگرێت

بە چاودێری بەڕێز موحسین مەندلاوی, جێگری یەكەمی سەرۆكی ئەنجومەنی نوێنەران و لەژێر دروشمی ( بە فەتوای پیرۆزو خوێنی شەهیدان سەركەوتین), فراكسیۆنی سەندی نیشتمانی, ئاهەنگێكی فەرمی بۆ یادكردنەوەی فەتوای جیهادی پیرۆز ڕێكخست, كە ئایەتوڵای عوزما سەید عەلی سیستانی (سایەو سێبەری بەردەوامبێت) رایگەیاند, بە ئامادەبونی بەڕێز (ئەكرەم جسام) نوێنەری سەرۆك كۆمار و بەڕێز ئەحمەد موبەرقەع وەزیری وەرزش و لاوان لەبری سەرۆك وەزیران, شێخ خالید مەلا, سەرۆكی رابیتەی زانایانی عێراق و ژمارەیەك لە نوێنەری نێردە دبلۆماسیەكان.
مەندەلاوی, لەوتەیەكدا كە بەڕێز نازم ئەلساعدی پێشكەشیكرد, رایگەیاند: ئەمڕۆ بە شانازییەوە یادی فەتوای جیهادی كیفائی دەكەینەوە, كە مەرجەعیەتی باڵا رایگەیاندو پیاوە ئازاكان هاتن بەدەنگییەوە بۆ روبەڕوبونەوەی هێزە تاریكپەرستەكانی داعش.
جێگری یەكەم لەو تارەكەیدا, یادی ئەو قوربانیانەی كردووەتەوە, كە شەهیدان پێشكەشیان كرد بۆ بەدیهێنانی سەركەوتن, لەپێشیانەوە سەركردەكانی سەركەوتن, هەردوو شەهیدی نەمر, هەروەها هەڵوێستی ئازایانەی گەلی عێراق, لە هێزە ئەمنیەكان و پۆلیس و حەشدی شەعبی و دەزگای دژە تیرۆرو هێزەكانی تر.
هەر لەبۆنەكەدا, پیشانگایەكی فۆتۆگرافی بۆ شەهیدانی حەشدی شەعبی و گرتەكانی جەنگی قارەمانەیان دژی تیرۆر, كرایەوە.

نوسینگەی راگەیاندنی جێگری یەكەمی سەرۆكی ئەنجومەنی نوێنەران

٢٠٢٣/٦/١٢