بە ئامادەبونی جێگری یەكەمی سەرۆكی ئەنجومەنی نوێنەران لیژنەی پەروەردە لەبارەی ڕوداوی دزەكردنی پرسیارەكانی سێی ناوەندی كۆدەبێتەوە

ئەمڕۆ پێنج شەممە، بەڕێز حاكم زاملی جێگری یەكەمی سەرۆكی ئەنجومەنی نوێنەران سەرۆكایەتی كۆبونەوەی لیژنەی پەروەردەی كرد، بە سەرۆكایەتی پەرلەمانتار زەیتون حسێن دلێمی سەرۆكی تەمەن و ئامادەبونی ئەندامەكانی، بۆ تاوتوێكردنی پرسی دزەكردنی پرسیاری تاقیكردنەوەكانی سێی ناوەندی.

لەسەرەتای كۆبونەوەكەدا، جێگری یەكەمی سەرۆكی ئەنجومەنی نوێنەران دوایكرد لیژنەی پەروەردە لیژنەیەكی لێكۆڵینەوەی خێرا دروستبكات كە (لیژنەی پەروەردەو، لیژنەی تایبەتمەند) لەخۆبگرێت بۆ دۆزینەوەی ئەو لایەنانەی كە لەپشتیەوەن و بدرێنە دادگا.

لیژنە تەئكیدی كرد لەسەر پێویستی میوانداریكردنی وەزیری پەروەردەو لیژنەی هەمیشەیی تاقیكردنەوەكان بۆ ڕاوەستان لەسەر وردەكاری بابەتەكە.

لیژنەی پەروەردە رونیكردەوە، ئەوەی ڕویداوە دیاردەیەكی مەترسیدارە و بیوێنەیە و تاوانێكە هیچی كەمترنییە لە تاوانەكانی تری پەیوەیست بە لەكەی ناموس، ئەوەش وامان لێدەكات هەڵوێستی توند و بریاری ئازایانە پیادەبكەین بۆ ڕیشەكێشكردنی ئەو دەستە پیسانەی كە یاری بە ئاسایشی وڵات و داهاتوی نەوەكانمان دەكەن و بەها زانستی و پەروەردەییەكان لەناودەبەن و پاكی كەش و هەوای تاقیكردنەوەكان لەفێرخوازە ئازیزەكانمان لێڵ دەكەن.

پێویستە لەسەر حكومەت و وەزارەتی پەروەردەش، بەجدی كاربكەن و رێگە لەم تاوانانە بگرن بەوجۆرەی یاسای بریاری لێداوە، تا ئەو تاوانبارانە سزای خۆیان وەربگرن و ببنە پەند بۆ بۆ هەموو ئەوانەی ڕێگە بەخۆیان دەدەن بخزێنە پشتی ئەم كردەوە شەرمەزارییانە، فێرخوازە ئازیزەكانیش بەخۆڕاگربن و چاوبخەنەسەر سەر پەیڕەوە زانستی و پەروەردەییەكان و دوركەوتنەوە لە پروپاگەندەو درۆ كە لەڕێی پێگەو لاپەڕە فەیكەكانە لەلایەن كەسانی نەفس نزمەوە بڵاودەكرێنەوە بە ئامانجی شێواندن و شلەژاندنی فێرخوازان لەكاتی تاقیكردنەوەكاندا، هیوای سەركەوتن و دەرچوونیان بۆ دەخوازین.

ئەنجومەنی نوێنەران
فەرمانگەی ڕاگەیاندن
2/6/2022