به‌ به‌شداریكردنی‌ شاندێکی پەڕلەمانی عێراقی‌ ..دەستپێکردنی کارەکانی کۆنگرەی دڕووستکردنی لێبوورده‌یی و ئاشتی لە ماڵتا

شێخ شەعلان کەریم جێگری سەرۆکی پەڕلەمانی عه‌رەبی و ئەندامی لیژنەی پەیوەندیەکانی دەرەوە لە ئەنجومەنی نوێنەراندا، ڕۆژی‌ پێنجشەممە، به‌شداری لە کارەکانی کۆنگرەی تایبەت بە “درووستکردنی لێبوورده‌یی و ئاشتی سه‌ره‌ڕای‌ ئالنگارییه‌كانی‌ ئێستا: ڕۆژهەڵاتی ناوەڕاست وباکووری ئەفەریقاو ئەوروپادا” كرد، كه‌ بە سەرپەرشتی ئەنجومەنی جیهانی بۆ ڵێبوورده‌یی و ئاشتی و پەڕلەمانی ماڵتا به‌ڕێوه‌چوو و بۆ ماوەی دوو ڕۆژ بەردەوام دەبێت.
لە میانی ئامادەبوونی لە کۆنگرەکەدا، شێخ شەعلان کەریم جێگری سەرۆکی پەڕلەمانی عه‌رەبی و ئەندامی لیژنەی پەیوەندییەکانی دەرەوە لە ئه‌نجومه‌نی‌ نوێنه‌ران، لە لێدوانێکی ڕۆژنامەگەریدا وتی کە بانگهێشتەکەی بەڕێز ئەحمەد جروان له‌لایه‌ن ئەنجومەنی جیهانی بۆ ڵێبوورده‌یی و ئاشتی بۆ ئەم کۆنگرەیە هەنگاوێکی گرنگه‌، جەختیشی کرده‌وه‌ لە سەر ڕۆڵی سەرەکی عێراق و ئەنجومەنی نوێنەران لە دیپلۆماسیەتی پەڕلەمانیدا، کە سەرۆکی ئەنجومەنی نوێنەران بەڕێز محەمەد حەلبووسی پاڵپشتیی دەکات و ڕوونیكرده‌وه‌ کە ئه‌مه‌ ڕۆڵێکی گرنگی هەیە لە دۆزینه‌وه‌ی‌ چارەسەر بۆ زۆر لە کێشەکانی‌ ناوچەکە.
هه‌روه‌ها شێخ شه‌علان دووپاتیكرده‌وه‌ کە بەستنی ئەم کۆنگرەیە گرنگیەکی زۆری هەیە لەسایەی بارودۆخی ئێستاداو گۆڕانکاریە یەک بەدوا یه‌كه‌كاندا، کە ناوچەی ڕۆژهەڵاتی ناوەڕاست و ئەفەریقا بەخۆیانەوە دەیبینن، کە ئه‌وه‌ش مەترسیەکی گەورەی هەیە لەنێو تەنگژەکان و کێشەکانداو كار دەکاتە سەر ئاسایش و سەقامگیری و گەشانەوەی وڵاتەکانی ناوچه‌كه‌، هه‌روه‌ها ئاماژەیدا کە ئەنجومەنی نوێنەرانی عێراق کار دەکات بۆ بەڕێکردنی هەڵسەنگاندنەکان و پێداچوونەوە بەڕدەوامەکان بۆ یاسا دەرکراوه‌كان و ڕێککەوتن و پەیمانە نێودەوڵەتیەکان، ئەوانەی پەیوەندیدارن بە ئاسایش و سەقامگیریی ناوچەکەو ڕۆیشتن لە گەڵ دوا پێشهاتەکان لەم ڕووەوە، هه‌روه‌ها هاوکاریكردن لە گەڵ لایەنە جیاوازە نێودەوڵەتیەکانداو ئاگاداربوون لە ئەزموونەکانیان لە زۆر لە کەیسە گرنگەکاندا، جەختیشیكرده‌وه‌ لە سەر پێویستی بەتینکردن و جێگیرکردنی بەهاکانی لێبوورده‌یی و مامناوەندیەتی و پێکەوەژیان و دوورکەوتنەوە لە تیژڕەوی و دانانی بەرنامەکانی کارە هاوبەشیەکان بۆ پتەوکردنی هاریکاری و تووێژو پشتبەستن بە میکانیزمە داهێنەرەکان، بۆ کۆکردنەوەی هەوڵە هەرێمی و نێودەوڵەتیەکان بۆ قەلاچۆکردنی مەترسیە چاوەڕوانکراوەکان لە ناوچەکەدا.
هه‌روه‌ها شێخ شه‌علان كەریم لە دووەم ڕۆژی کارەکانی کۆنگرەکەدا وتارێک دەدات، تێید باسی دۆخە گشتیەکان و هەنگاوەکانی‌ كرد، بۆ جێگیرکردنی ئاشتی و پێکەوەژیان لە عێراقداو ڕۆڵی ئەنجومەنی نوێنەران لە پتەوکردنی بەهاکانی وتووێژو چاوپۆشی و درێژکردنەوەی پردی متمانەی‌ ناوخویی و هەرێمایەتی .
هه‌ر لە سەرەتای کردنەوەی کارەکانی کۆنگرەکەدا بەڕێز ئەنجیلو فاروجیا سەرۆکی پەڕلەمانی ماڵتا خۆشحاڵی خۆی دەربڕی بۆ ئامادەبوونی عێراق کە پەڕلەمانتار شێخ شەعلان كه‌ریم نوێنەرایەتی ده‌كات لەکارەکانی کۆنگرەکەدا.
سەرۆکی پەڕلەمانی ماڵتا ئاماژەی بە گرنگی بەدیهێنانی ئاشتی دا لە هەموو لایەکی جیهانداو چارەسه‌رکردنی تەنگژە نێودەوڵەتیەکان لەڕێی وتووێژو لێکتێگەیشتن و کەڵک وەرگرتن لە ئەزموونەکان، داواشی لە پەڕلەمانە نیشتمانیەکان و ڕێکخراوە نێودەوڵەتیەکان کرد چارەسەری بو ئاستەنگە جیهانیەکان بدۆزنه‌وه‌ .
لەلای خۆیەوە بەڕێز ئەحمەد جروان سەرۆکی ئەنجومەنی جیهانی دەستخۆشی له‌ ئه‌نجومه‌نی‌ لێبوورده‌یی و ئاشتی کرد بۆ به‌شداریكردنی‌ ئەنجومەنی نوێنەرانی عێراق بۆ یەکەمجار له‌ كۆنگره‌كه‌دا.

جروان ئاماژەیدا کە جیهان ئێستا بەرەو ڕووی زۆر لە ئاستەنگەکان بووەتەو لە ته‌نگه‌ژه‌ سیاسیەکان هەتا نەبوونی یەکسانی کۆمەڵایەتی و سەقامگیری ئابوری، گووتیشی كه‌ ئاستەنگەکان بوونه‌ته‌ هۆی پترکردنی ناڕەحەتی، ئەوەش ناچارمان ده‌كات كه‌ رێگای گونجاو بدۆزینه‌وه‌ بۆ زاڵبوون بەسەر ئەو ئاستەنگانەداو بە یەکەوە کار بكه‌ین له‌ پێناوی جیهانێکی ئارام و ئاشتیخواز.
هه‌روه‌ها جروان هانی ئەوەیدا کە سنوورێک دابنرێت بۆ بەرزبوونەوەی تیژڕەوی و کۆمەڵە تیژڕەوەکان و وەستان بەڕووی وتاڕی ڕقلێبوونەوەو لە هەر شوێنێکدا کە ڕوودەدات و پشتگیریكردنی‌ ئەو سیاسەتانەی‌ كه‌ ده‌بنه‌ هۆكاری‌ پتەوکردنی یەکسانی دادوەری بۆ هەمووان، لە ڕێگه‌ی‌ پتەوکردنی گفتوگۆ و لێکتێگەیشتن و دەستپێشخەریەکان بۆ به‌هێزكردنی‌ وتووێژەکان لە ناو ئاینەکان و گۆڕینەوەی بیروڕاكان .
شایه‌نی‌ باسه‌ كه‌ لە یەکەم ڕۆژی کۆنگرەکەدا وتەکانی شاندەکان بریتیبوون لە پێویستیی هاریکاریی نێودەوڵەتی بۆ پتەوکردنی هەلی ئاشتی و بەدیهێنانی سەقامگیری و پەرەپێدانی بەردەوام و کارکردن بۆ بڵاوکردنەوەی وتاری لێبوورده‌یی و پێکەوەژیانی ئاشتیانە لە ناو گەلاندا.

فەرمانگەی ڕاگەیاندن
ئەنجومەنی نوێنەران
١/٦/٢٠٢٣